«Кәсіби өзін тану және кәсіби қалыптасу»

Заманауи кітапханалардың міндеттерінің бірі - өскелең ұрпақпен жұмыс жасау, жастар арасында кәсіптік бағдар беру, бастамашылдықты, дербестікті дамытуға көмектесу, шығармашылық, креативті жастарды анықтау.

20 сәуір күні Ертіс аудандық орталық кітапханасында С.Торайғыров атындағы облыстық кітапхана мамандары «Кәсіби шеберлік мектебі» аясында шеберлік-сынып циклін ұйымдастырды.

Іс-шараға аудан жастары шақырылды. Олармен «СТОП-КАДР» ойын-тренингі өткізілді. Бұл физикалық жаттығу қатысушыларды белгілі бір мәселе туралы пікірталасқа қатысуға ынталандыру үшін пайдалы құрал болып табылады. «Кітап және жазушы» инновациялық жобасы аясында Ертіс ауданының шығармашыл жастары жас ақын, Қазақстан Жазушылар одағының мүшесі, облыстық «Найзатас» әдеби-қоғамдық журналының жауапты хатшысымен Еламан Қабділәшіммен кездесті. Әдеби өзін-өзі көрсету қажеттілігін сезінетін ұлдар мен қыздар қазіргі әдебиет туралы әсерлерімен бөлісті, өз шығармаларын оқыды. Ауылдық кітапханашылар үшін «Кітап пен мақаланы дұрыс жаз!» іс-шараны облыстық кітапхананың кітапхана ісі және библиография саласындағы кәсіпқойлары өткізді. Ертіс кітапханашылары мен жастар облыстық кітапхана жанындағы «Maker Space» шығармашылық зертханасының жұмысы, «Жастар» заманауи шығармашылық орталықтарының қызметі, облыс кітапханаларының кешкі уақыттағы іс - шаралары туралы ақпаратты тыңдады.

Қорытындылау кезінде ауыл кітапханашылары сертификаттарға ие болды.