Юминовтер отбасының «Династия» көрмесі

10 шілде күні С. Торайғыров атындағы облыстық кітапхананың «Айна» галереясында «Династия» атты отбасылық көрменің салтанатты ашылуы өтті. Юминовтар отбасының көрмесі үш кәсіби суретшінің, отбасының басшысы Сергей Павлович Юминовтың, оның әйелі Елена Ивановна Юминованың және ұлы Даниил Сергеевичтің туындыларын қамтыды.

Сергей Павлович бірнеше жыл П.Г. Величко студиясында оқыды, Павлодар суретші-безендірушілер мектебін тамамдаған соң, Павлодар химия зауытында суретші және Павлодар алюминий зауытында суретші-безендірушілерінің бригадирі болып жұмыс істеді. Вильнюс Техникалық Эстетика Ғылыми-зерттеу Институтында тағылымдамадан өтті. Республикалық, облыстық және қалалық көрнекі үгіт және плакат конкурстарының, соның ішінде Каз КСР ХШЖК-нің қатысушысы. Экспозицияға автордың акварельмен сурет салу және кескіндеме техникасындағы 12 жұмысы ұсынылды. Қазіргі уақытта суретші негізінен көп сюжетті графика жанрында жұмыс істейді, қарапайым қарындашпен аңыздар мен мифологияның сюжеттеріне сәйкес қағазға иллюстрациялық туындылар жасайды.

Елена Ивановна Новоалтай көркемсурет училищесін бітірген. 30 жылдық тәжірибесі бар жоғары санатты суретші-педагог, көптеген халықаралық, республикалық облыстық және қалалық байқаулардың жеңімпазы. Бейнелеу өнерін оқыту бойынша мақалалар, әдістемелік және оқу құралдары мен бағдарламалардың авторы. Бұрын 5 жеке көрме ұйымдастырған. Осы экспозицияда суретшінің 28 жұмысы ұсынылды. Бұл акварельмен және маймен орындалған академиялық кескіндеме туындылары, сонымен қатар қарындашпен және көмірмен, гелий қаламымен, пастельмен жасалған суреттер. Батик техникасында да жұмыс істейді. Осы жолғы көрмедегі жаңашылдығы - топырақты жібекті маржан және коллажбен ұштастыра отырып жасаған кестеленген акрил кескіндемесі.

Юминов Даниил 2017 жылы №2 СМҮ үздік аяқтап, 2021 жылы Павлодар көркемсурет колледжін бітірді. Халықаралық, республикалық, облыстық және қалалық конкурстардың қатысушысы. 2017 жылы ЮНЕСКО обсерваториясында «Көркемдік білім беру бойынша ЮНЕСКО-ның Жас сарапшысы» атағын қорғады. Қалалық білім бөліміндегі конкурстық және көрмелік қызметі үшін «Табыс-2017» кітабына енді. Көрмеде майлы кескіндеме, графика, академиялық сурет және цифрлық кескіндеме техникасында орындалған автордың 17 жұмысы ұсынылды. Қазіргі уақыттағы негізгі қызмет түрі-суретші-иллюстратор, цифрлық компьютерлік кескіндеме.

Суретшілер әулеті сұлулық шығармашылығына деген құштарлықпен біріктірілген. Әрдайым бір-бірін қолдауы оларға шығармашылық мүмкіндіктерін ашатын туындылар жасауға мүмкіндік береді.

Көрмені 2021 жылдың тамыз айының басына дейін тамашалауға болады.