«Айтолқын» жобасы аясында «Дана келін, дара келін» атты онлайн байқауының қорытындысы

Ене мен келіннің сыйластығын, қазақтың салт-дәстүрін, өнерін, қолөнерін, ұлттық тағамдарын насихаттау, қазақ халқының әдеби мұраларын дәріптеу мақсатында 11 қараша мен 10 желтоқсан аралығында «Айтолқын» жобасы аясында «Дана келін, дара келін» атты онлайн байқауы өткізілді.

Қатысушылар бейнеролик ұсынды,  pavlodarlibrary парақшасына жүктеді. Байқау қорытындысы бойынша Баянауыл ауданы, Мәшһүр Жүсіп ауылының тұрғыны Әсетқызы Мөлдір ең көп лайк, қаралым, комментарий жинады.

Байқауға қатысушылар -  Батыс Қазақстан облысы, Жәнібек ауданы, Күйгенкөл ауылынан Утемисова Гульдара Фархатқызы,  Екібастұз қаласы, Өлеңті ауылынан Киясова, Жанар Чапайқызы,  Павлодар қаласының тұрғыны Баткошева Сания Тоқтамысқызы арнайы дипломдармен, алғыс хаттармен және сыйлықтармен марапатталды.