Ардагерлер – біздің мақтанышымыз!

5 қараша күні «Наш очаг» бағбаншылар клубының отырысы болып өтті. 90-жылдық мерейтойымен клуб ардагері, кітапхананың тұрақты оқырманы және досы, Павлодар көшелерін және ірі кәсіпорындарын көгалдандырғаны үшін оннан астам медальға ие З. Н. Давыдованы құттықтады. Отырыстарда ол жемісті, гүлді және жидекті өсімдіктерді отырғызу және өсіру агротехникасы бойынша кәдеге жарар кеңестер айтып, консультациялар өткізеді, "Урожай года" көрмелері мен қалалық іс-шаралардың тұрақты қатысушысы.

Бағбан, нумизмат, құс өсіруші В. А. Калинов қатысушыларға өсімдіктерді қолайсыз ауа райы жағдайларынан қорғау, жергілікті климаттық жағдайларда шие мен өрік өсіру құпиялары туралы айтып берді.