Астанаға арнау

4 шілдеде С. Торайғыров атындағы облыстық кітапханада Астананың 25-жылдығына арналған «Астанаға арнау» халықтық-қолданбалы шығармашылық көрмесі өтті.

Облыстық кітапхана қызметкерлері жергілікті шеберлермен тығыз жұмыс жасайды және нәтижесінде – ерекше, жарқын көрмелер. Әрбір осындай көрме нағыз оқиғаға айналады. Бүгін тағы бір кең жәрмеңке кітапхана есігінің алдында ашық аспан астында өтті. Мереке қонақтары халық қолөнершілері - сәндік-қолданбалы өнер шеберлерінің көрмесімен танысты. Павлодардың үздік шеберлері өз шедеврлерін ұсынды. Қолөнершілер өз жұмыстарында дәстүрлі және заманауи технологияларды біріктіреді, материалдың ерекше мүмкіндіктерін пайдаланады. Олардың туындыларын жасауға туған табиғатының сұлулығы, халық мәдениетінің ерекшеліктері мен дәстүрлері шабыттандырады. Барлық өнімдер үлкен сүйіспеншілікпен жасалған. Бұл әр түрлі тұрмыстық заттар мен декорлардың, бейнелеу өнерінің ондаған атаулары: зергерлік бұйымдар, шаш аксессуарлары, сәндік шамдар мен сабындар, тастан жасалған бұйымдар, кесте, бисер және тоқу, тұрмыстық заттар, дәстүрлі ұлттық техникадағы бұйымдар, ойыншықтар мен киізден жасалған бұйымдар, сондай-ақ гүлді және сәндік-жапырақты өсімдіктер және тағы басқалар.

Қазақ халқының рухани өмірінің бастауларын, оның тарихын ашатын, эстетикалық құндылықтары мен көркемдік талғамын айқын көрсететін халық өнерінсіз біздің мәдениетімізді елестету мүмкін емес. Сәндік-қолданбалы өнер - ең көне өнердің бірі. Бұл бізге қоршаған әлемді әдемі, қызықты, жарқын және бай етуге мүмкіндік береді. Бұған халық-қолданбалы өнер көрмесіне таңданыспен барған қала тұрғындары тағы да көз жеткізді, және, әрине, олардың ешқайсысы бос қолдарымен кеткен жоқ. Барлық ниет білдірушілер өздеріне ұнайтын өнімдерді қол жетімді бағамен сатып ала алды.