«Ауыл кітапханаларына 100 кітап» жобасы

ҚР Мәдениет және ақпарат министрлігінің бастамасымен жақсы жобалар жүзеге асырылып келеді. Соның бірі - «Ауыл кітапханаларына 100 кітап» жобасы. Жобаның мақсаты - оқу мәдениетін ілгерілету арқылы өскелең ұрпақтың, атап айтқанда шалғайдағы елді мекендердің бойында жоғары азаматтық және рухани-адамгершілік бағдарларды қалыптастыру.

Жуырда С. Торайғыров атындағы облыстық кітапхана осы жобаның аясында «Жазушы», «Дәуір», «Мазмұндама», «Qasym», «Атамұра», «Мерей», «Фолиант», «Өлке», «Абай», «Ана тілі», «Steppe&World» баспаларынан жарық көрген көркем әдеби және балаларға арналаған бірнеше кітаптарды сыйға алды. Оның ішінде қазақ ақын - жазушыларының кітаптарымен қатар, сериялық кітаптар, қазақ тіліне аударылған әлемдік бестселлер кітаптар мен балалардың сүйіп оқитын кітаптары: З.Наурызбай, Л. Калаус «Бату мен достарының алтын тостағанды іздегені», «Бату мен достарының Барсакелмес еліне саяхаты», «Бату мен достарының жұлдыздар ілі Айдалаға саяхаты», Ұлыбританиялық жазушы Ж. Роулиң жазған 7 томдық қиял-ғажайып шығармалар жинағы, «Таңғажайып хайуандар мен олар мекендейтін аймақтар» және т.б. әдебиеттер бар. Бұл кітаптар балалар мен жасөспірімдердің, жастардың, жалпы кітап сүйер қауымның рухани дамуына, тұлға болып қалыптасуына жан-жақты септігін тигізері анық.

ҚР Мәдениет және ақпарат министрлігіне құнды кітаптарды сыйға табыстағаны үшін шексіз алғысымызды білдіреміз!