«Ажалын жоғалтқан адам»

Ақын, жазушы, ҚР Еңбек сіңірген мәдениет қызметкері, өлкетанушы Сайлау Байбосынның жаңа кітабының тұсаукесері өтті. Бұл шарада облыстық мәдениет, тілдерді дамыту және архив ісі басқармасының басшысы Медет Тауасқан мен облыстық ақпарат және қоғамдық даму басқармасының басшысы Әлнұр Сейдуманов сөз сөйлеп, автордың еңбегіне жоғары баға берді.Ғалым, профессор Бекен Сағындықұлы мен жазушы Әділбек Әміренов Сайлау Байбосынның «Ажалын жоғалтқан адам» романы жайлы толымды пікірлерін білдірді. Ғалымдар шығарманың идеясы мен мазмұнының тереңдігін ерекше атап өтті. Сонымен қатар, басқа да зиялы қауым өкілдері автордың шығармашылығы туралы өз ойларын ортаға салды. Торайғыров университетінің студенттері қаламгерге романның жазылу мақсаты мен міндеттері туралы сұрақтарын қойып, шығармашылыққа деген қызығушылықтарын көрсетті. Кітаптың тұсаукесері жылы өте әсерлі өтті.