Ақын Батырхан Сәрсенханмен кездесу кеші

2025 жылы 16-қаңтар күні кітапханада ақын, ҚР Жазушылар одағының мүшесі Батырхан Сәрсенханмен кездесу кеші өтті. Шараға Астанадан арнайы келген ақын Айдын Байыс және жергілікті қаламгерлер мен өлең сүйер оқырман қатысты. Кешті ақын, ҚР Жазушылар одағының мүшесі Еламан Қабділәшім жүргізді. Шара барысында ақын өлең оқып, оқырман тарапынан қойылған сұраққа жауап берді. Одан бөлек жергілікті жас ақындар өз өлеңдерін оқып, жыр көрігін қыздыра түсті.
Батырхан Сәрсенхан - Түркістан облысы, Ордабасы ауданының тумасы. 8 жасынан қолына қалам алып, өлең жазған. Қазірде өзіндік қолтаңбасы қалыптасқан талантты ақын. Қаламгердің осыған дейін 4 кітабы жарық көрген. Жақында ғана мемлекеттік тапсырыспен «Белгісіз жапырақ жайлы» жаңа кітабы жарық көрді. Кеш барысында жаңа жинақ жайлы сөз қозғалып, кітапқа енген жаңа өлеңдері де оқылды.