«Ашық кітапхана» жобасы

Бүгін облыстық кітапханада оқырмандар үшін «Ашық кітапхана» ашылды.

Қала тұрғынының бос уақыты шектеулі болғандықтан, кейде жұмыс уақытында кітапханаға баруға бос уақыты жетпей қалады. Сондықтан «Ашық кітапхана» жобасы адамға ыңғайлы кез келген уақытта кітаптарды пайдалануға мүмкіндік беру үшін ойластырылған! Ашық кітапхана – көпшілікке арналған әдемі сөреде бірнеше ондаған қызықты кітаптардың болуы.

Мұндай кітапхананың жұмыс істеу принципі қарапайым: «Кітапты ал. Оқы. Қайтар немесе басқасын алып кел».

Ашық кітапхана қорындағы кітаптар әртүрлі жастағы аудиторияға арналған және әртүрлі талғамды қанағаттандыру үшін салалық және көркем әдебиетті қамтиды. Ашық кітапханада күн сайын 30-40-қа жуық кітап пен журналдар қойылады.

Барлық кітапқұмар оқырмандарды «Ашық кітапханаға» шақырамыз. Кез келген тұғын өзіне ұнаған қызықты кітапты алып оқуға мүмкіндігі бар.