«Сұлтанмахмұт Торайғыров – аққан жұлдыздың сыңары» ақынды еске алу күні

21 мамыр күні С.Торайғыров атындағы облыстық кітапханада «Сұлтанмахмұт Торайғыров – аққан жұлдыздың сыңары» ақынды еске алу күні өтті.

XX ғасыр басындағы қазақ әдебиетінің ең ірі тұлғаларының бірі – Сұлтанмахмұт Торайғыров. Небәрі жиырма жеті жыл өмір сүріп, кейінгі ұрпаққа өлшеусіз бай мұра қалдырған жерлес қаламгер. Ұлы ақынның есімін алып жүрген облыстық кітапхана ақынның асыл мұрасын сақтау үшін көптеген жұмыстар атқаруда. Жыл сайын  С.Торайғыров ескерткішіне гүл шоқтарын қою дәстүрге айналды.

«Ертіс өңірі ақынын жырлайды» атты жаңа жинақтың құрастырушысы, облыстық кітапхананың Сүлеймен Баязитов атындағы балалар бөлімінің басшысы Аульбаева Асемгуль Рамазанқызы сөз сөйлеп,жастар ақын шығармаларынан үзінді оқыды. И.Байзақов атындағы Павлодар облыстық филармония әншілері Әсел Ботаева мен Ризахан Кабиев халық әндерін шырқады.

Иса Байзақов атындағы Павлодар облыстық филормониясы С.Торайғыров атындағы облыстық кітапханада «Кітап әлеміне саяхат» акциясын бастады.

Ақынға тағзым ету мақсатында Академик Сәтбаев және Торайғыров көшелерінің қиылысындағы ескерткішке гүл шоқтары қойылды. Іс-шараға поэзия сүйер қауым қатысты.