Зияткерлер дода сайысында бақ сынады

Достар, жыл басынан жастарды интелектуалды тұрғыда дамыту мақсатында аймақтағы әр түрлі сала мамандары арасында өткізілген «Mі trend» интеллектуалды сайысы өз мәресіне жетті! Бүгін сайыстың іріктеу кезеңінен өткен төрт команда дода кезеңінде кездесті. Қ.Бекхожин атындағы ЖОББМ мұғалімдерінің «КереметMIX» командасы тіл мен әдебиет жағынан жауап берсе, Ертіс медиа журналистерінен құралған «Медиа мергендері» салт-дәстүрлерді жақсы білетінін көрсетті, Шаңырақ орталығының жас мамандарының «Шаңырақ» командасы музыка мен өнер тақырыбы бойынша білімдерін көрсетсе, Төтенше жағдайлар департаментінің қызметкерлерінің «Құтқарушылар» командасы өздерінің жан-жақтылығын айқындады. 5 кезеңнен тұратын сайыстан сүрінбей өтіп, жеңіп шыққан «Шаңырақ» командасы бас жүлдені ұтып алды, ұйымдастырушылар кітапхана атынан барлық қатысушыларға кітап сыйлап, кітап оқып, кітапханаға жиі келіп тұруға кеңес берді.