Кітаптың тұсаукесері

Бүгін С. Торайғыров атындағы облыстық кітапханада ұлы ғалым, академик Әлкей Марғұланның «Қазақ сал, серілік дәстүрі» және «Ежелгі қазақ тайпалары және қазақ хандығының құрылуы» атты кітаптарының тұсаукесері өтті.
Айтулы шараға облыс әкімі Асайын Қуандықұлы Байханов, ғалымның қызы Дәнел Әлкейқызы Марғұлан және басқа да зиялы қауым өкілдері қатысып, сөз сөйледі.
Жиында құрметті қонақтардың қатысуымен кітаптардың тұсауы кесілді.
Сонымен қатар, шараға Әлкей Марғұланның туыстары мен жергілікті ғалымдар, өлкетанушылар қатысып, пікір білдірді.
Бұл шара Әлкей Марғұланның рухани мұраларын дәріптеуге,академиктің ел тарихы мен мәдениетін зерттеудегі еңбектерін насихаттауға арналды. Жиналған қауым ғалымның еңбектерінен үлкен шабыт алып, терең әсерге бөленді.

Ұлы ғалымның мұралары ұрпақ жадында мәңгі сақталсын!