Сериялық кітаптар жобасы аясында «Тарихи романдар» әдеби сағат

Соңғы кезде жастар арасында тарихи тақырыпқа деген ұмтылыс та, оқырмандық сұраныс та орасан өсті. Осындай оқырмандардың қызығушылығын ескере отырып, 18 желтоқсан күні «Тарихи романдар» сериясы бойынша басылып шыққан бірнеше шығармалар жастарға таныстырылды.

Әдеби кеште  ғасырлар қойнауынан сыр шертіп, халқымыздың тарихын тереңдей танытатын тарихи туындылар: М.Мағауиннің «Аласапыран», Ә. Кекілбаевтің «Үркер», С.Елубаевтың «Ақ боз үй», Т.Ахтановтың «Қаһарлы күндер» және т.б. шығармаларға шолу жасалынды. Танымал жазушы I.Есенберлиннің ең көлемді тарихи «Көшпенділер» шығармасына  бейнеролик көрсетілді.

Торайғыров университетінің профессоры Серік Елікбай Төлеубайұлы толығымен ақпарат беріп, студенттер шығармалар туралы өз ойларын ортаға салып, пікірлерімен бөлісті.  Оқырмандарға ұлттық сезімнің күшеюіне, қазақ халқының патриотын дәріптеуге, ата – бабаның және бүкіл адамзат, тағдырын бейнелейтін тарихи шығармаларды оқуға шақырды.