«Қазақ даласының қаһарман қызы - Мәншүк» атты ақпараттық сағат

3 мамыр күні С.Торайғыров атындағы облыстық кітапхананың қызметкерлері №7 арнайы мектеп-интернатында Мәншүк Мәметованың 100 жылдығына орай «Қазақ даласының қаһарман қызы - Мәншүк» атты іс-шара өткізді. Жеңіс күні қарсаңында кітапханашылар оқушыларды Кеңес Одағының Батыры Мәншүк Мәметованың өмірбаянымен таныстырып, батыл қыздың ерлігін еске алды. Кездесу соңында оқушылар Ұлы Отан соғысына арналған «Жеңіс батырлары» атты викторинаға қатысып, өз білімдерін тексеріп алды.