«Жұлдыз-Ай» - әр баланың орындалған арманы!

С.Баязитов атындағы балалар оқу орталығында дәстүрлі «Жұлдыз-Ай» инклюзивті балалар фестивалі өтті. Фестиваль 1-маусым – Халықаралық балаларды қорғау күніне және кітапхананың жазғы маусымының ашылу салтанатына орай ұйымдастырылды.

Өнерлі балалар ән айтып, мың бұралып би билеп жиналғандардың көңілін көтерді. Жергілікті сиқыршылар өнер көрсетіп, «Домовята» театр шеберханасының актерлері сахналық қойылым көрсетті.Фестиваль барысында «Зерде бала», «Алақай, ойындар !», «Асфальттағы бояулар» секілді алаңдар жұмыс істеді.

Кішкентай оқырмандарымыз спорттық, зияткерлік ойындарға, шеберлік сағаттарына белсене қатысты. «Досиктің дәуірлерге саяхаты» үстел өлкетану ойыны, «Смартфонсыз жаз» қимылды ойындары, «Құм графикасы» шеберлік сыныбы, «Ғажайыптар алаңы» зияткерлік ойыны, «Ақ пен қара» шахмат ойыны, «ЛегоStar» бойынша шеберлік сабағы, қағазда және асфальтта сурет салу өнері бойынша қатысушылар уақыттарын қызықты әрі көңілді өткізді.

Мерекелік бағдарлама барысында қатысушыларға балмұздақтар мен тәтті тоқаштар, торттар мен түрлі ойыншықтар сыйға берілді.

Біздің шарамыздан әр бала ерекше әсер алып, жаңа достар тапты. Әр баланың шат күлкісі мен өздерін шын бақытты сезінуі бізді де ерекше әсерге бөлейді.Фестивалдің жоғары деңгейде өтуіне қолдау білдірген «СМАК ПВ» ЖШС, «Пахомовские продукты», «Детский мир Антошка» ЖШС, «Сайга» ЖЩС, «Закарьян» ЖК, «Крендель» ЖШС, Республикалық «AMANAT» партиясының жергілікті филиалы, «Меломан/MARWIN», «Сэдо» дүкеніне алғыс білдіреміз.