«Моя профессия – мое увлечение»

19 қарашада Павлодар мектеп оқушылары мен Павлодар монтаж колледжінің оқытушылары ғылыми-әдістемелік жұмыс жетекшісі А.Қ. Төлеуова, арнайы пән оқытушысы И.Е Оспанова, өндірістік оқыту шебері К.О. Богданов пен кездесу болып өтті. Кездесу облыстық кітапханада бірнеше жылдан бері жүзеге асырылып, жастар арасында үнемі үлкен қызығушылық тудырып келе жатқан «Моя профессия – мое увлечение» кәсіптік бағдар беру жобасы аясында өтті. Оқытушылар өз сөзінде  «Дәнекерлеу ісі», «Электрмен жабдықтау», «Ғимараттар мен құрылыстарды салу және пайдалану», «Автомобильдерге техникалық қызмет көрсету және жөндеу» жұмысшы мамандықтарына кеңінен тоқталды. Колледж студенттері облыстағы ірі кәсіпорындарда, оның ішінде «Алюминий Қазақстан» АҚ-да өндірістік тәжірибеден өтуде. Студенттер Қ.Жұмалин мен Б.Мазурин кәсіпорында ақылы тәжірибеден қалай өтетіндігі туралы айтып берді. Кездесуге қатысушылар үшін «Мен таңдаған мамандық» атты кітап көрмесі дайындалып, «Павлодар монтаж колледжі» бейнефильмі көрсетілді.