Наурыз жыл басы!

20 наурызда С. Баязитов атындағы балалар оқу орталығында «Наурыз жыл басы» атты мерекелік-ойын бағдарламасы өтті. Іс - шараға оқырмандар-қаланың түрлі мектептерінің балалары қатысты. «Күн шуақ» және «Көктем» атты екі команда бақ сынасты. Жарыс 4 турдан тұрды: «Наурыз көжені дайында», «Көкпар», «Білектесу», «Арқан тарту». Нәтижесінде достық жеңіске жетті. Балаларға тәтті сыйлықтар берілді. Балалар «Соқыр теке» ұлттық ойынына қуана қатысты. Іс-шара «Қара жорға» биімен аяқталды. Іс-шарадан кейін балалар Наурыз көже, бауырсақ, кәмпиттерге толы мерекелік үстелден дәм тәтті.

Мерекелік бағдарлама «Жігер» жасөспірімдер мен балалар клубының тәрбиеленушілерінің  қатысуымен ұйымдастырылған «Асық пати» фестивалімен жалғасын тапты.