Ұлы Жеңіс күні

4 мамырда Ұлы Жеңіс күніне арналған “Истоки” әдеби-музыкалық клубының кезекті отырысы өтті. Соғыс жылдарындағы қиыншылықтар мен апаттарға қарамастан, адамдардың жүрегінде өмір сүруге, күресуге және жеңіске жетуге деген ұмтылыс болды.

Өшпес даңқ пен қайсарлықтың, жанқиярлық ерліктің үлгісіне айналған Жеңіс мерекесі тақырыбында павлодарлық ақындар О.Григорьева, Р.Мухамеджанов, Н.Борисовская, Л.Казаков, Н.Млынцева, сонымен қатар С.Рудишевтың авторлық өлеңдері оқылды. Жерлес музыканттар  А.Казаков М.Полищук пен В.Сотникова патриоттық әндерін шырқады.

Хабарсыз кеткен павлодарлықтарды – соғысқа қатысушыларды іздеудің бастауында тұрған Іздестіру қозғалысының ардагері Л.А.Асеева өзінің «Живое слово-ключ небес» атты кітабын П.Васильев мұражай-үйінің кураторы Т. Корешковаға сыйға тартты.

Соғыс туралы әндерден бейнероликтер көрсетілді. Кеш қонақтары ұмытылмайтын тарихи оқиғаларды еске алды.