Поэтикалық батл

Бүгін С.Торайғыров атындағы облыстық кітапханада креативті шығармашылық орталығының ұйымдастыруымен «Поэзия сәулесі» атты поэтикалық батл өтті. Батл Б.Ахметов атындағы жоғары педагогикалық колледжінің 2 курс студенті Қарақат Тілеуберді мен 5512 әскери бөлімінің сарбазы Елдос Оразбайдың арасында өткізілді. 6 кезеңді қамтыған сайыста жастарымыз өздерінің алғырлығын, шапшаңдығын, тапқырлығы мен өнерлерін шынайы көңіл-күйлері арқылы көрсетті. Сайысқа қатысушы жастарымызға кітапхана атынан арнайы сыйлықтар табысталды. Сонымен қатар қатысушылар, жанкүйерлер тарапынан осындай іс-шаралардың көптеп ұйымдастырылуын сұрап өз ризашылықтарын білдірді. Шара соңы оқырмандардың сұрауы бойынша жастар биімен жалғасты.