«Кітап және сахна» жобасы. «Берен талант - Бердібек» кітап көрмесі

25 маусымда Ж.Аймауытов атындағы қазақ музыкалық - драма театрында «Менің атым Қожа» спектаклінің алдында «Кітап және сахна» жобасы аясында «Берен талант - Бердібек» атты кітап көрмесі ашылды.

Бердібек Соқпақбаев отандық әдебиетті дамытуға, сондай-ақ жастарды тәрбиелеуге зор үлес қосты. Бердібек Соқпақбаевтың шығармалары өмірбаянға негізделген, елімізде және шет елдерде кеңінен танымал болды. Автордың сценарийі бойынша түсірілген «Менің атым Кожа» фильмі Канн халықаралық кинофестивалінде сыйлыққа ие болды.Көрермендер мен актерлердің назарына кітап көрмесінде жазушының өмірі мен шығармашылығы туралы 50-ге жуық басылым ұсынылды, олардың ішінде: «Менің атым Қожа», «Он алты жасар чемпион», «Қайдасың, Гауһар», «Балалық шаққа саяхат» және т.б. Сондай-ақ, «Жұлдыз», «Мәдениет», «Простор», «Жалын» және т.б. журналдардан мақалалар қойылды.