«СМАРТФОНСЫЗ ЖАЗ»

С.Баязитов атындағы балалар оқу орталығы балаларға арналған жазғы демалыстың екінші маусымын бастады. «Смартфонсыз жаз» деп аталатын ойын-сауықтыру бағдарламасына өңіріміздегі мектептерден келген оқушылар қатысып кітапханадағы уақыттарын қызықты да пайдалы өткізді.
Олар «Ғажайыптар алаңы» зияткерлік ойынын ойнап, «LegoStar», «Мен жазды саламын» сурет салу шарасына аса белсенділікпен қатысты. Сонымен қатар ұлттық қол өнерді дәріптеуге арналған «Үкілі қыз» шеберлік сабағы да оқырмандарымыз үшін қызықты өтті. Ал әр түрлі қимылды ойындар ойнаған балалар шапшаңдықтары мен ептіліктерін сынға салды. Сонымен қатар кішкентай оқырмандарымыз тоғыз құмалақ, асық ату секілді ұлттық ойындарды да сүйіп ойнады. Маусымның ашылуына келгеген балаларға тәтті сыйлықтар үлестірілді.