«Кітапханаларды дамыту стратегиясы. Жастар векторы»

28 наурызда И.И. Молчанов-Сибир (РФ) атындағы Иркутск облыстық әмбебап ғылыми кітапханасының әріптестерімен онлайн-кездесу болды.

Шетелдік кітапханалармен өзара тәжірибе алмасу аясында кезекті әріптестік кездесу «Кітапханаларды дамыту стратегиясы. Жастар векторы» тақырыбында өтті. Бүгінгі таңда өскелең ұрпақ арасында кітапханаларға деген сұраныс қызметкерлердің құзыреттілігіне, олардың жастар ортасының қажеттіліктерінің өзгеруіне байланысты өзгерістерге бағытталуына тікелей байланысты. Кездесуге әр түрлі деңгейдегі кітапханалардың 100-ге жуық өкілі, Ресей Федерациясының Иркутск аймағы мен Павлодар облысының қалалары мен аудандарының жастарымен жұмыс істейтін кітапхана мамандары қатысты.

Конференцияның ашылуында И.И. Молчанов-Сибир (РФ) атындағы Иркутск облыстық әмбебап ғылыми кітапханасының директоры Сулейманова Лариса Александровна және С. Торайғыров атындағы облыстық әмбебап ғылыми кітапханасының басшысы Шахметова Шолпан Баянқызы құттықтау сөз сөйледі.

Павлодарлық мамандар өз баяндамаларында С.Торайғыров атындағы облыстық кітапхананың креативті шығармашылық орталығының жобалық қызметі туралы, облыс кітапханалары жастарды кітап оқуға тарту орталықтарына айналғаны жайлы айтып берді.

Иркутск кітапханасының мамандары жастармен жұмыста өз әдістерімен және жинақталған материалдарымен бөлісті. Іс-шара әр түрлі технологияларды қолданумен байланысты кітапханалардың әр түрлі бағыттары мен шығармашылық әзірлемелерін көрсетті.