«ЕРЛІК – ЖАН ДҮНИЕҢНІҢ ҰЛЫ ҚАСИЕТІ» АТТЫ ТАРИХ САБАҒЫ.

29 ақпанда кітапханада Кеңес әскерлерінің Ауғанстан жерінен толықтай шығарылғанына 35 жыл толуына орай «Ерлік – жан дүниеңнің ұлы қасиеті» атты тарих сабағы болып өтті.

Ауғаныстан соғысына қатысқан, құрметті  ардагерлеріміз: Қайрат Жаңбырбайұлы мен Оразбек Қаратайұлы осы кездесуге арнайы келді.

Өмірінің өлшеулі бір бөлігін,  жалындаған жастық шағының жартысын оқ пен от арасында өткізіп, елге аман-сау оралып, туған жерімен қауышқан ардагерлеріміз өткен күнді еске алып, тағылымды әңгімелерімен бөлісіп қана қоймай, болашақ жастардың тәлім-тәрбиесі жайлы ой өрбітті.          

Сабаққа Павлодар қаласының Әлкей Марғұлан атындағы Павлодар педагогикалық университетінің студенттері мен мұғалімдері, кітапхана оқырмандары қатысты. Тарих сабағы студенттер үшін үлкен тәрбиелік мәні зор мағыналы  болды.