Жырлайды жүрек

«Оқитын Павлодар» фестивалі аясында облыстық кітапханада республикалық, облыстық, қалалық жыр мүшайраларының, шығармашылық байқаулардың жеңімпазы Қарлығаш Қашқынбаймен «Жырлайды жүрек» атты шығармашылық кездесу кеші өтті. Шарада Қ.Қашқынбай түлеп ұшқан білім ордаларының ұстаздары мен студенттері, 5512 әскери бөлімінің сарбаздары қатысты. Жас ақынның шығармашылығына қызығушылық танытқан қонақтар сұрақтар қойды. Шығармашылық кеште ұстазы Байдаулетова Гульназира Тұрарханқызы, Қазақстан Жазушылар Одағының мүшесі, сатирик, ақын Алпысбай Хонж және кітапхана басшысы Ш.Шахметова сөз сөйледі. Жырдан шашу шашылып, әсем ән шырқалды.