«Волшебный мир цветов» атты сәндік гүл өсімдіктерінің дәстүрлі көрмесі

27 сәуірде кітапханада «Фиалочка» әуесқой гүл өсірушілер клубының 20 жылдығына арналған «Волшебный мир цветов» атты сәндік гүл өсімдіктерінің дәстүрлі көрмесі болып өтті.

С.Торайғыров атындағы облыстық кітапханада 2004 жылы «Фиалочка» клубы ашылды. Көп жыл бойы әдемі үй өсімдіктерін өсіруге ынталы өз ісінің шеберлері фиалка мен басқа да гүлдердің коллекциялық сұрыптарын өсірді.

Тәжірибелі гүл өсірушілер, «Фиалочка» клубының қатысушылары өз коллекцияларындағы жаңа сорттармен таң қалдырды, қонақтарға гүл күту, өсіру және селекциялау бойынша шеберлік - сабағын өткізді.

Көрменің салтанатты ашылуында «Приличное общество» тарихи би клубының мүшелері гүлдер дефилесін көрсетіп, бал билерін биледі. Көрермендер «Вальс герцога Кентского» және «Нежность» вальсін  тамашалады. Құрманғазы атындағы балалар музыка мектебінің оқушылары баян мен виолончельде романстар мен музыкалық шығармаларды орындады.