«Кітап және қаламгер» жобасы

Жоба оқу беделін қолдауға, Ертіс өңірі тұрғындарының мәдени және оқырмандық ой-өрісін кеңейтуге, жергілікті қоғамдастық алдында кітап оқу мен кітапхананы танымал етуге мүдделі мекемелер және ұйымдармен тұрақты байланысты дамытуға бағытталған.

Әдеби-көркем десант «Кітап және қаламгер» ОӘҒК кітапханалық жобасы аясында көшпелі кешенді мәдени-ағарту іс-шараларын өткізуді көздейді.

Облыстық кітапхананың жетекші мамандары шығармашыл зиялы қауымды, жазушыларды, өнер қайраткерлерін, өлкетанушыларды тарта отырып, әдебиет туындыларының бейне презентациясын, кітапхана қорынан сирек кітаптар мен мерзімді басылымдардың көрмелерін, түрлі мәдени-ағарту іс-шараларын, кітаптардың тұсаукесерін, Ертіс өңірінің танымал және жаңа бастаған жазушыларымен, ақындарымен кездесулерді ұйымдастырады, әдебиетте әлі белгісіз жаңа есімдерді жарыққа шығарады, жаңа кітаптарды таныстырады.

ОӘҒК қоғаммен байланыс секторы десантқа қатысушылардың тізімін жасайды, маршрутты реттейді.

Әдеби-көркем десантқа қатысатын облыс кітапханалары десантты өткізу мерзімі туралы ақпаратты орналастырады, оқырман аудиториясын ұйымдастырады.

Әдеби-көркем десанттың қорытындылары туралы ақпарат жергілікті және өңірлік БАҚ-та, әлеуметтік желілердегі кітапхана қоғамдастықтарының сайттары мен беттерінде орналастырылатын болады.

Мақсаты:

- Ертіс өңірі тұрғындарының зияткерлік әлеуеті мен жалпы мәдени деңгейін арттыру;

- Павлодар облысы жазушыларының әдеби шығармашылығымен танысу;

- өңірлік әдебиеттердің озық үлгілерін насихаттау

- қала және ауыл тұрғындары арасында кітап пен оқуды насихаттау.

Міндеттері:

- облыс кітапханаларына оқырмандарды тарту;

- кешенді көшпелі іс-шараларға қатысу есебінен кітапхана қызметінің негізгі көрсеткіштерін арттыру;

- кітапханашылардың кәсіби байланыстары мен қарым-қатынас ауқымын кеңейту.

 

Іске асыру мерзімі: облыс кітапханаларымен бірлесіп 2022-2023 жж.