Түнгі жол

Халықаралық «Алаш» әдеби сыйлығының лауреаты, белгілі жазушы Толымбек Әбдірайымның «Түнгі жол» атты кітабына оның соңғы жылдары жазған әңгімелері еніп отыр.
Толымбек Әбдірайым шығармаларының оқиғасы қызықты. Бүгінгі замандастарымыздың жан әлемін толғандырып жүрген қадау-қадау мәселелерді әр жақтан қозғап, ұрымтал да ұтымды деталь, диалогтар арқылы оқырман қауымға ұсынып, әркімнің өзі шешуіне, қорытынды шығаруына қалдыруымен құнды. Қаламгер қай тақырыпқа қалам тартса да, көзі ашық, көкірегі ояу оқырмандар арасында қызу талқыға түсіп, ақ-адал пікірлердің айтылып жататындығы содан болса керек.